قـوه عليـكم  ..
شلونكم .. شخباركم ؟
ان شاء الله كل شي okay ؟

=-=

اليـوم الله يسلمكم بقولكم عن أكثر المواقف العجيبه اللي صارت لي وحق أعز رفيجاتي   ..

خل نضحك شوي قبل العيـد lol ..  

نبدي بسم الله :

أول موقف صار لي أمس ..

كنت آنا و رفيجتي قعد نتمشى ،، يعني نحافظ على رشاقتنا ..
<---  فراغـه .. استريحـي يامعوده lol .. 

المهم .. اهي تخاف من شي اسمه ( قطاوه ) حــد الخوف المتخوف ..
<--- استقبلو قطاتي عادي   ..
ونشوف لنا شي يتحرك على بالها قطوه ،، طمـّـرت البنيه وآنا وراها سيده ..
لي هني الوضع عـادي ..
بس مو عادي لما يكون وراج واحد طقت 19 / 20 لوول ..
يتحول الوضع من عـادي – لي دقـره .. 

صج صج اندقرنـــا عـدل ،، عاقبتها ومشيت بروحي عنها hehe ..
شوي ويتني .. وكملنا عادي  ..
فجـأة :
إلا من صج صوت قطوه .. لا وصغيرونــه بعد  ..
الوضع يهون عندي .. أستحمل صدمه القطوه لول .. بس اهي اللي كلش !
وترّد تنط وتوقف فجأة .. هني صج اتنرفزت    ..
ييت بروح لها .. وله اسمع صوت واحد طايحله ضحك .. رايح الريـال ..
بروحي مندقره وبعد هالطيب شاق الضحكه !
لالا جان يعطينا بو اللي : شرايكم بالـ : الويف لوول .. يحليلكم والله وايد تخافون من القطاو =\ !
تخيلوا طلع هالصوت من ويف عنده ..
مو قهــــــ ـــر ؟!
بس والله صج صج فشله ودقـره مو طبيعيه أمس .. !!

=-=-=

ثاني موقف عجيب :

مرّت عمي تعبانه .. ونوموها بالمستشفى .. فرحنا نزورها ..
المهم ..
عادي زرناها وسولفنا وياها شوي وطلعنا ..

عند الدري برا .. دقت عليّ رفيجتي وقعد اسولف وياه وحدي مندمجه اشرح لها سالفه ..
ماأدري يمكن كنت احش =\ !!
اللي الله جازاني وتكرفست على ويهي لووول  ..
شكلي عجيــــــب ..
حدث ولا حرج .. الموبايل ما أدري وينه .. والجنطه مسكينه تبطلت وطاح كل شي منها ..
وامي واختي بس يضحكون !
أبي أحد يساعدني ماكو لول ..
بس الحمدالله ماكان أحد يمناا اووف ..

=-=-=

ثالث موقف :

برفيجتي وحبيبتي ( مــ(غ)ــيومـه ) أم قطوه ..

الله يسلمكم هالسالفه العام ..
كانت بـ 4 ثانوي .. وعلمي وهم عامه ..
يعني لو بتقولون طحســه من اليوم لي باجر شوي !
وكان عليها باجر امتحان فيزيا ..
فقعد تدرس بادمـاج ومحد هامها ..
ودريشتها مفتوحه ..
وللأسف انه دريشه ولد الييران تطل على دريشتها لول ..
<---  نفس الأفلام المصريه يعني  ..
ملــّـت البنيه ،، قعد تدرس والكميه مو راضيه تخلص !
جان تدرس بصـراخ من قلبها :
مريوم : عند وصول الطـاقه الـى ....

فجـأة :
صوت غريب : (( والله حرام .. ورب الكعبه فيني نومـه .. بنــام يا نــــــــاس .. حسـّـوا )) ..
هههههه ..
طلع : ولد الييران ..
أي اهي بروحها خجـــــوله .. مو اندقـرت شويه عليها ..

جان تنزل نفسها وتحبـّـي شوي شوي وتطلع برا الغرفـه هههههه ..
الحبـي : هو الحبـوّ : وهي عمليه يقوم بها الطفل الصغير في بدايـة شهوره الأولى محاولة للمشي ..
شرايكم بس : أنفع أفهم ؟

حلاتها والله .. موقف لا تحسد عليه ..
ومن يومها حررررمت تبطل دريشتها ..
بعد مو ناقصه احد يكسر قلاصات فوق راسها واهي تدرس لوول ..
بس أبشركم يابت دراسه الفيزيا نتيجه وياها الحمدالله خخ ..

=-=-=

وللمواقف العجيبـه بقيـه  ..

تحياتي :

CuTaa ;) ..